Kurioziteti për planetin e kuq nuk shuhet ende, edhe pas shumë vitesh hulumtime. Për Marsin është aluduar gjithnjë që mund të ketë jetë apo elemente të tjerë të ngjashëm me planetin Tokë. Përgjatë viteve ku planeti Mars ka qenë objekt studimi, shkencëtarët kanë menduar se aty jetojnë të paktën mikroorganizma, apo që kanë gjetur oksigjen. Në hulumtimin më të fundit, Curiosity Rover e NASA-s është hasur me një objekt të shndërritshëm.
Shkencëtarët hamendësojnë se objekti i shndërritshëm me të cilin është hasur Rover-i është një copë ari. Dyshimet janë që objekti mund të jetë edhe thjesht një material reflektues. Megjithatë, zyrtarët e NASA-s planifikojnë të dërgojnë sërish Curiosity-n në atë zonë, që të marrë pamje më të detajuara.
“Ka mundësi të jetë meteor, por është shumë më shndërritës,” – shkruhet në raport.
Curiosity ka gjetur shumë gurë të çuditshëm në planetin Mars. Këtu përfshihen edhe gurë me ngjyrë të errët që nuk janë parë kurrë më parë. Sidoqoftë, zyrtarët e NASA-s shpresojnë që gjetja e fundit të jetë ar. Nëse kjo vërtetohet, atëherë copa prej ari do të ishte objekti më i veçantë i gjetur në Mars.
