Denis Ayetkin ishte gjyqtari gjermano-turk që arbitroi ndeshjen mes Shqipërisë dhe Iraelit, mbrëmjen e të shtunës. Pas dy kartonave të kuq dhe dy penalltive të akorduara në faqen e tij në Facebook kanë “vërshuar” tifozët duke e detyruar atë të mbyllë përkohësisht faqen në rrjetin social.
Mbrëmjen e të hënës, Ayetkin ka rihapur llogarinë në Facebook. Ky veprim është pasuar më një status dedikuar të gjithë atyre që e kritikuan për vendimet e marra gjatë ndeshjes. Me bindje të plotë ai deklaron se çdo vendim i tij ka qenë plotësisht korrekt.
“Për gjërat e mia!
Pas ndeshjes së fundit mes Shqipërisë dhe Izraelit, tifozët më kanë detyruar të mbyll përkohësisht faqen në Facebook.
Kjo ishte vetëm një masë mbrojtjeje, që tani është hequr, por në të ardhme të gjitha deklaratat ofenduese që nuk janë të lejueshme do të hiqen dhe do tu bëhet bllok pa asnjë paralajmërim.
Pasi kam parë videot, mund të them se të gjitha vendimet, pa përjashtim, në këtë lojë kanë qenë të sakta.”- shkruan Denis.
