Ditën e sotme, në ndeshjen e Ligës së Kampionëve mes Bajarnit të Mynihut dhe Realit të Madridit është shpalosur një flamur shqiptar, siç e shihni në foto. Mesohet personat që e vendosën këtë flamur atje. Ata janë i njjtëti grup që në 1/8 e finaleve të këtij kompeticioni ngritën flamurin e Kosovës në ndeshjen Bajern-Arsenal.
Kreu i grupit të shqiptarëve atje është Florim Gashi. “Unë banoj në Bamberg dhe për të ardhur në Mynih më duhet të bëj të paktën 460 kilometra. Jam në Gjermani prej 25 vitesh”, pati thënë Gashi në një intervistë për “Panorama Sport” në muajin shkurt. “Kam emigruar në Gjermani rreth 20 vite më parë. Kur isha në Tiranë nuk humbja asnjë ndeshje të Partizanit dhe tani kur mbërrita në Bavari vendosa të bëhesha tifoz i Bajernit”, tregon Miklim Jonuzaj, një tjetër anëtar i grupit.
“Gjithçka nisi në 2013¬ ën, prej atij viti Florimi bëri që flamuri ynë të vendosej rregullisht në të gjithë ndeshjet e Bajernit në Ligën e Kampioneve”, thotë anëtari i tretë i grupit, Isuf Qamili, i cili ka emigruar nga Kumanova.
Burimi: Panorama Sport
