Ermal Mamaqi mbrëmjen e djeshme e ka kaluar para televizorit duke ndjekur spektaklin “Dance Ëith Me”. Nga gjithçka që ai mund të ketë parë e dëgjuar, ka arritur në një përfundim për njërin prej anëtarëve të jurisë, pikërisht për Robert Aliajn. Ai ndonëse mund komentohet shumë për komentet shpesh herë negative që bën, për Mamaqin ai është një ndër artistët më të vërtetë dhe më me shumë vlera që ka Shqipëria.
“Ky është Bert Aliaj. Po e shoh tani live dhe me shumë bindje them që është një nga artistët më të vërtetë dhe me më shumë vlera që kemi.”- shkruan Ermali në Instagram.
Pas këtij komenti ka reaguar edhe vet Bertin duke shkruar nën foto:
“O Ermaaaal edhe pse ka ufo dhe katunarë injorantë, prap bota është e bukur.”
Mesa duket ata të dy ndajnë pothuajse të njëjtat pikëpamje për kulturën e bashkëqytetarëve të tyre.
Edhe ndjekësit e Ermalit janë ndarë në pole, ata që duan Bertin dhe komentin e tij, dhe ata që nuk e durojnë dot.
