Brent Renaud, një gazetar amerikan i vlerësuar me çmime, puna e të cilit është shfaqur në Neë York Times dhe media të tjera, është vrarë nga forcat ruse në qytetin e Irpin jashtë Kievit, ndërsa fotografi amerikan Juan Arredondo ka mbetur i plagosur.
Renaud, 51 vjeç, u godit në qafë dhe vdiq pasi ra nën breshërinë e armëve të trupave ruse ndërsa punonte në Irpin.
Lajmi u konfirmua nga zyrtarë të policisë lokale dhe burimeve të shumta ukrainase.
Jane Ferguson, një reportere për PBS Newshour, e cila ishte afër kur Renaud u vra, shkroi në Twitter:
“Sapo u largova nga vendi buzë rrugës pranë Irpin, ku trupi i gazetarit amerikan Brent Renaud shtrihej nën një batanije. Mjekët ukrainas nuk mund të bënin asgjë për ta ndihmuar atë në atë fazë”.
Ndërsa një oficer i policisë ukrainase i indinjuar ka thënë: “Thuaji Amerikës, tregoji botës se çfarë i bënë një gazetari”.
