I shëruari i parë shqiptar nga koronavirusi ka lënë këtë pasdite ambientet e Spitalit të Infektivit në QSUT, pasi rezultoi negativ në të dyja testet.
Ishte, kryeministri Edi Rama, ai që ndau fotografinë e pacientit të shëruar, teksa shoqërohej nga një mjeke.
Kreu i qeverisë shkruan se pacienti do të mbyllet në shtëpi për 14 ditë.
“? I SHËRUARI I PARË DEL NGA SPITALI PËR T’U MBYLLUR NË SHTËPI PA DALË FARE 14 DITË, NËN VËZHGIMIN E MJEKËVE FANTASTIKË TË INFEKTIVIT?”
Kujtojmë se më herët u njoftua se dy pacientë me koronavirus do të dalin nga spitali infektiv pasi kanë rezultuar negativë në 2 teste për koronavirusin.
Dy pacientët janë kontakte të pacientit të parë të identifikuar në Shqipëri, djalit 26-vjeçar që erdhi nga Firence. ./Opinion.al
