Një elektricist në Tropojë ka kryer akt heroik për të siguruar energjinë elektrike për banorët e zonës së tij. Ky nuk është rasti i parë që shohim punonjës të OSHEE duke vënë në rrezik jetën për punën. Tre muaj më parë po në Tropojë, vdiq në krye të detyrës kolegu i tij, Fatjon Hoxha.
Në fotot më poshtë që janë shkrepur pasditen e djeshme, shohim elektricistin e OSHEE në Sopot të Valbonës, duke sfiduar rrjedhën e rrëmbyeshme të lumit për riparimin e defektit në rrjetin elektrik.Falë punës së tij u rikthye energjia në 5 fshatra ku mungonte.
Sakaq, kjo duhet të jetë një kambanë alarmi për OSHEE e cila duhet të sigurojë kushte optimale pune për këta punonjës. Në shkurt të po të këtij viti, në kushte ekstreme të motit me shi dhe ujëra të rrëmbyeshëm, humbi jetën Fatjon Hoxha, 32 vjeç nga fshati Luzhë, Tropojë, i cili po riparonte defektin elektrik. /Opinion.al
