Foto Ekskluzive/ Incidenti ajror, ky është avioni që mori flakë në ajër

Ky është avioni që u detyrua të bënte ulje emergjentë në Ankona 15 minuta pasi ishte nisur në fluturim drejt Tiranës. Opinion.al sjell foto ekskluzive të avionit që mori flakë në kabinë dhe rrezikoi jetën e 100 personave në bord. Siç shihet edhe në foto avioni është “Mistral air” i postës italiane, por që kompania “Blu Panorama” e kishte kontraktuar për të sjellë 100 udhëtarët e saj drej Shqipërisë. Avioni pësoi defekt dhe mori flakë në ajër. Pilotët arritën të bënin uljen emergjente në Ankona. Raportimi është bërë nga qytetarët në Opinion.al ndërsa nuk ka një reagim zyrtar nga “Blu Panorama”, kompania ku kishin prerë biletat 100 udhëtarët që përjetuan momente tmerri dhe u detyruan të kthehen mbrapsht në pritje të një avioni tjetër për tu nisur drejt Shqipërisë./Opinion.al