Automatik, pushkë, thikë me qindra fishekë; një arsenal i vertetë armësh u gjet në shtëpinë e një 62 vjeçari nga Elbasani. Policia tha se Engjëll. H u mbante gjithë këto armë për tregti.
Ai është arrestuar ditën e djeshme në shtëpinë e tij ku u gjetën dhe sekuestruar edhe armët e shumëllojshme.
“Arrestimi i tij, u bë pasi gjatë kontrollit të ushtruar në banesën e tij, i janë gjetur dhe sekuestruar arsenal armësh, municione luftarake dhe vlera monetare. Ky shtetas dyshohet të ketë pasur për qëllim trafikimin e armëve dhe municioneve luftarake në vlera të ndryshme monetare”, njoftoi Policia e Shtetit.
Janë sekuestruar në cilësinë e provës materiale:
Një armë zjarri automatik, model 56, kalibër 7.62 mm, me krëhër të vendosur në të me 29 copë fishekë
Një armë zjarri pushkë model 63, kalibër 7.62 mm, me krëhër të vendosur në të me 25 copë fishekë
Një pushkë sportive shul, me krëhër të vendosur në të me 3 copë fishekë
131 copë kartmonedha me prerje 1000 lekë (131 000 lekë të reja)
6 kuti me fishekë model 54, kalibër 7.62 mm, me nga 100 copë fishekë secila
45 copë fishekë pushkë sportive
30 copë fishekë model 56, kalibër 7.62 mm
173 copë fishekë model 54, kalibër 7.62 mm
Një armë e ftohtë thikë
