Rreth orës 21:00 të mbrëmjes së sotme, Murat Duriçi u gjet në një kanal në Bulqizë nga kalimtarë të rrugës. Ai ndërroi jetë teksa transportohej në gjendje të rëndë drejt Tiranës.
Sipas policisë 53-vjeçari u përplas nga një makinë e drejtuar nga Mentor Ceku 45-vjeç i cili dyshohet të ketë qenë në gjendje të dehur. Ky i fundit në momentin e ngjarjes ka braktisur mjetin dhe ka tentuar të largohet por është kapur më vonë nga policia.
Murat Duriçi njihet si biznesmen në zonën e Bulqizës. Ai vepronte në fushën e nxjerrjes, prodhimit, shfrytëzimit dhe tregtimit të kromit. Sipas QKB, ai rezulton të ketë në emër të tij kompaninë “KELI-M-13” e cila është krijuar në vitin 2013. Sipas ekstraktit të QKB kjo kompani ka pushuar aktivitetin e saj në vitin 2017.
Prej asaj kohe ende nuk dihet aktiviteti i Murat Duriçit. Fisi i tyre njihet në zonën e Bulqizës për aktivitetin në fushën e kromit por edhe për disa konflikte me biznesmenë të tjerë të fushës por ende nuk është verifikuar nëse 53-vjeçari që humbi jetën të ketë lidhje me to.
Grupi hetimor vijon hetimet për zbardhjen e shkaqeve të aksidentit. /Opinion.al
