Modelja italiane, Gessica Notaro ka rrëfyer për herë plagët dhe fytyrën e sa pasi ish i dashuri i hodhi acid në fytyrë. E ftuar në emisionin e Maurizio Costanzo, në Canale 5, 27-vjeçarja, nga qyteti verior i Cesena tregoi gjithë peripecitë dhe historinë me ish- të dashurin e saj Edson Tavares, i cili e keqtrajtonte dhe ajo vendosi të ndahej, ndërsa Gjykata dha urdhër që të mos i afrohej. Disa muaj më vonë ish-i dashuri mori hak kundër saj duke i hedhur acid në fytyrë dhe e shpërfytyruar.
“Pasi ai më hodhi acid në fytyrë, u ula në gjunjë dhe iu luta Zotit, ‘më merr bukurinë time, por më lër pas shenjat’”,- tha Notaro, e cila tregoi se kishte qenë e izoluar në spital për 2 muaj pas sulmit të tmerrshëm.
Ish miss Italia në vitin 2007 u shpreh se ajo nuk mund të bëjë jetë normale si më përpara.
“Nuk mund të jetoj si në fillim dhe nuk mund te dal në diell. Çdo gjysmë ore kam nevojë për pika sy dhe duhet të hidratoj lëkurën time vazhdimisht”- tha modelja, raporton ‘The Indipendent’.
Tashmë ajo duhet të presë sa të kryejë një operacion të plotë plastik që do ta lehtësonte nga barra e pamjes, por edhe e dhimbjes që përjeton, për të cilën shpenzon 600 £ çdo muaj.
Notaro e takoi Tavares 3 vjet më parë kur të dy punonin në një akuarium delfinësh.
Në fund modelja ka një mesazh për ish-të dashurin e saj. “Do të doja të më shikonte tani, atë që bëri. Kaq dua”- tha Notaro.
