Dua Lipa ka realizuar një tjetër set fotografik. Këtë herë artistja nga Kosova ka pozuar para aparatit të Peter Kadan për revistën gjermane “MusikExpress” ku ndër të tjera ajo është cilësuar si këngëtarja angleze me rrënjë shqiptare që ka një stil shumë të veçantë në këngët e saj edhe pse babi e solli në Angli afër artistëve Dylan dhe Bowie.
Dua po bëhet gjithnjë e më shumë e famshme, por mesa duket ajo dëshiron të njihet për muzikën e saj dhe jo fal ndonjë bashkëpunimi.
E pyetur për një ofertë nga Kanye West për të prodhuar albumin e saj debutues, Dua Lipa ka thënë se do ta refuzonte menjëherë këtë ofertë.
“Unë do të doja të vazhdojë njëjtë si më parë, ashtu si unë e dua zërin tim. Nëse Kanye West është i kënaqur me albumin e dytë, ndoshta ne mund të flasim për këtë. Por vetëm ndoshta … “, ka theksuar ylli botëror në ngritje, Dua Lipa.
