Fotografia e një gruaje spanjolle po bëhet virale në rrjetet sociale dhe kjo për një arsye të çuditshme. Ajo është sozia e Donald Trump dhe të gjithë janë “çmendur” fare. Dolores Leis Antelo, u bë menjëherë e famshme në rrjet pas një interviste që ajo dha për një gazetë lokale spanjolle. Intervista ishte për jetën e saj në Nanton, La Coruna, por sapo u publikua në internet fotoja e saj u bë virale.
Ajo tani quhet Donald Trump i Costa de Morte, që është një krahinë e gjirit Galician. Në një tjetër intervistë, Antelo është shprehur: “Fotoja ime ka udhëtuar shumë larg. Mendoj se është për shkak të ngjyrës time të flokëve”. Kurse vajza e saj është shprehur: “Imagjino sikur të ishim familjarë të Donal Trump”. Fotoja ka me mijëra pëlqime dhe komente dhe njerëzit janë frymëzuar nga kjo për të gjetur foto të njerëzve të tjerë që kanë ngjashmëri me Trump. Me sa duket tani u kthye në lojë.
