Konflikti mes pjestarëve të grupit “Avdylaj” dhe forcave të policisë në burgun “313” është shoqëruar me kërcënime me jetë ndaj këtyre të fundit.
Gazetarja Klodiana Lala raporton se anëtarët e grupit që akuzohet për trafik droge dhe grup të strukturuar kriminal, kanë kërcënuar drejpërdrejtë policët e burgut.
Gjithçka ka nisur nga kontrolli i ushtruar në qelinë ku qëndronin Altin Avdylaj, i njohur si Niçja, Astrit Avdylaj, Saimir Gjepali dhe italiani Giovanni Di Cosimo, i cili konsiderohet si pacienti 0 me COVID-19 në burgun “313”. Ata nuk e kanë pritur mirë kontrollin, pasi si rezultat iu gjet që qeli një aparat celular.
Gjatë këtij momenti të paraburgosurit, sipas dosjes gjyqsore, kanë kundërshtuar me forcë policinë.
“A e dini se kush jemi ne o spiuna…Nuk bir kurve që të më prangosë mua. Do të keni probleme me mua dhe e keni personale tani e tutje. Ka për t’ju q* robt, do t’ju zhduk, e degjeneru o legena. Do t’ju vrasim e presim ju që po na ngacmoni…Nuk kontrolloni dot Avdylajt ju’. A më njeh, e di kush jam? Do të keni probleme, ne ju njohim. Jua dimë shtëpitë ku banoni. Ty të njoh se më ke shoqëruar për vizitë në spital, madje më ke bërë edhe foto. Të njohim mirë ty, o Shpëtim!! Ç’të duhet ty me na kontrollu? Kush e paska dhënë këtë urdhër? Ke për shiku këtë punë, se cfarë kemi për të bërë. Të njohim, do të vrasim, do të qërojmë, do të heqim qafe. Për 10 ditë unë jam jashtë! Mbaje mend fytyrën time! Do të takohemi”, janë disa nga kërcënimet ndaj policëve në burgun e sigurusë së lartë.
Në dosjen gjyqsore thuhet se askush nuk mori përsipër të thoshte se kujt i përkiste celulari por u pretendua se ai mbahej nga pastruesi i qelisë. Saimir Gjipali ka këmbënugulur që të thirret pastruesi që të marrë përsipër autorsinë e celularit por është ndaluar.
Gjithashtu në dosje thuhet se në momentin që policët bllokuan derën e bankës brenda në dhomë që të mos hidheshin sendet e ndaluara dy të burgosur janë afruar me insistim për t’u futur në tualet duke u përplasur me policinë, madje ‘kanë përplasur policin me shpinë pas derës së tualetit’.
Ligji për të drejtat e të dënuarve dhe të paraburgosurve parashikon në nenin 55, që drejtori i Përgjithshëm i Burgjeve në raste nevoje urgjente urdhëron drejtpërdrejt për kalimin e përkohshëm të të paraburgosurve dhe të dënuarve që rrezikojnë sigurinë ose prishin rregullin ne instiotucion, në regjimin e mbikëqyrjes së veçantë, duke vënë menjëherë në dijeni për këtë prokurorin, i cili brenda 24 orëve, i paraqet kërkesën gjykatës, e cila me vendim konfirmon ose anulon masën e përkohshme.
Drejtori i përgjithshëm i Burgjeve Agim Ismaili vendosi që të mbyllë në izolim për 3 muaj pjesëtarët e grupit Avdylaj dhe 1 muaj shtetasin Italian. Ai e dërgoi dosjen gjyqsore tek prokurorja Elizabeta Imeraj që ajo t’ja paraqiste gjykatës për të konfirmuar ose jo masën. Në dijeni të kësaj dosjeje është vënë edhe ministrja e Drejtësisë, Etilda Gjonaj. Dje, Gjykata e Tiranës vendosi të rrëzojë masën e izolimit për të paraburgosurit. /Opinion.al
