Djali i multimiliarderit George Soros, Alexander, pasi zhvilloi një vizitë zyrtare në Beograd ku takoi Presidentin Alexander Vuçiç ka ardhur edhe në Shqipëri.
Këtë e dëshmojnë fotot që vetë Alex ka postuar në Instagram dhe ku paraqet Tiranën turistike. Nga përshkrimi që u bën fotove duket se ka hipur në kullën e Sahatit për të fotografuar sheshin Skenderbej dhe mandej ka vizituar edhe Pazarin e Ri.
Ndryshe nga vizita në Serbi që ishte publike në Shqipëri nuk dihet qëllimi i vizitës së djalit të Soros dhe as personalitetet që mund të ketë takuar.
Kujtojmë se disa herë ka patur akuza nga opozita për Kryeministrin Rama se është financuar nga Soros. /Opinion.al
