Për vetëm disa orë reshje shiu dhe qyteti bregdetar i Vlorës është përmbytur. Raportohet se disa lagje dhe akse rrugore të Vlorës, ndodhen nën pushtetin e ujit.
Bëhet me dije se lagjja “28 Nëntori”, zona e “Skelës”, lagjja “Pavarësia”, në këto momente janë të bllokuara nga uji.
Kjo vështirëson qarkullimin e mjeteve dhe lëvizjen e kalimtarëve. Ndërkohë, reshjet e shiut vazhdojnë që të bien me intensitet të lartë.
Ndërsa probleme janë shënuar edhe me energjinë elektrike për shkak të motit të keq në Radhimë dhe Orikum.
Autoritete lokale sqarojnë se pompat e nënstacionit të hidrovorit janë në punë në kapacitet të plotë./ Opinion.al
