Qyteti i Korçës është tronditur këtë të martë nga një vrasje makabre. Dashnor Osmani rreth 50 vjeç, i cili shiste banane pranë pazarit, është gjetur i pajetë nga qytetarët, teksa ishte goditur me një sëpatë. Dhjetëra banorë janë shokuar nga pamjet që kanë parë.
Vetëm pak momente pas ngjarjes, policia arriti të kapte autorin e ngjarjes, Zamir Topi 42-vjeç, i cili është gjetur me sëpatë në dorë, me të cilën dyshohet se ka kryer edhe vrajën makabre.
Hetimet janë në vijim nga policia e Korçës. Si viktima dhe autori ishin banues në fshatin Pocestë të Korçës.
“Rastësisht kalova dhe e pashë që ishin mbledhur shumë njerëz. Mora 127 që të vinin ta ndihmonin por mbaroi ai. Kokën ia kishin mbuluar. Ishte mbuluar me gjak. Njerëzit thonin që e kishin goditur me sëpatë, por nuk e dimë çfarë ka ndodhur”, ka thënë për mediat një prej dëshmitarëve./ Opinion.al
