Rinard Tata, “i forti” i Shkodrës u prangos dje pas nje hetimi disamujor. Ai eshte nje emer i njohur per policine dhe drejtesine, pasi rezulton preson me precedente te meparshem penale. Rreth 18 vite më parë ai është akuzuar si bashkëpunëtor i ekzekutimit të dy vëllezërve Alibali në qytetin e Shkodrës. 50-vjeçari u cilësua si bashkëpunëtor i ngjarjes së ndodhur më 14 janar 1999 në lagjen “Vojo Kushi”, në Shkodër, ku së bashku me Behar Bajrin, u akuzuan se kishin ekzekutuar vëllezërit Artur dhe Osman Alibali.
Por, pavarësisht dyshimeve, ekzekutimi i dy vëllezërve mbeti pa autor deri në vitin 2000, kur çështja u rihap. Tata u arrestua me akuzën e bashkëpunëtorit dhe qëndroi 5 vite në burg, por më pas u lirua sërish me vendim Gjykate për shkak të mungesës së provave. Tata, gjithashtu, dyshohet dhe për ngjarje të tjera kriminale, të cilat nuk janë dokumentuar me prova nga Policia. Policia, nga ana tjetër, bën të ditur se Rinard Tata ka bërë tre herë ndryshim emri dhe mbiemri nga Tata në Tota si dhe nga Frederik në Rinard dhe në fund.
Kësaj radhe ai u arrestua me akuzën e shfrytëzimit të disa vajzave për prostitucion. Ai akuzohet si organizator i këtij aktiviteti ilegal në një lokal-motel në pronësi të tij në qytetin e Shkodrës.
Në janar të këtij viti, ndaj ti u bë një denoncim nga një qytetar në faqen e “Jeta osh Qef”, ndërsa u publikuan dhe foto të tijat me femra të zhveshura, të mbuluara me para dhe me disa zinxhirë flori në qafë e unaza në gisht.
Fotot publikoheshin në profilin me emrin “Soni Meja”. Në Shkodër njihej nga të gjithë për shkak të pushtetit që kishte, por edhe për faktin se ai zotëronte hotelin e sekuestruar sot nga policia.
Personi që bënte denoncimin në janar kërkonte që Tota të hetohej pasi shfrytëzonte vajzat për prostitucionit, madje edhe minorene.
Denoncimi
Ky personi me këto dy femrat quhet Federik Tata nga fshatrat e Dukagjinit, i dënuar më parë. Shumë pak kohë ka që ka dalë nga burgu, njihet si person i afërt me të Partisë Socialiste. Ka në pronësi një bar kafe me muzikë live në Parrucë. Këto të dyja janë prostituta në këmbim të parave, kjo është e dukshme tashme edhe nga ana e qytetarëve të Shkodrës. “Ky i “Forti” ka kohë që bashkëpunon me femrën ‘Soni Meja’, e cila merret edhe me mashtrimin, futjen në prostitucion brenda dhe jashtë Shqipërisë, pasi ky rrjet është i përhapur deri në Itali. Policia është në dijeni, pasi disa i ka arrestuar vajzat, por me anë të një telefonate janë lënë të lira.
