Te Fundit

Foto-dëshmi, trokitja e zymtë e gotave Obama-Putin


Bëhu pjesë e Grupit Zyrtar të Opinion.al
>> KËTU <<
               Publikuar në : 09:41 - 29/09/15 |
b.f

NJU JORK – Obama dhe Putin trokitën gotat në drekën zyrtare të liderëve botërorë, por nuk pati buzëqeshje dhe as fjalë që shoqërojnë gotën e verës. “Cheers’ but no cheer”, shkruan AFP.

Ata nuk kanë patur një takim tet a tet sic u fol. Nga fjalimet në Asamblenë e OKB u duk se Obama dhe Putin ishin larg në qendrimi dhe madje shkëmbyen kritika lidhur me konfliktet në Siri dhe Ukrainë, duke e akuzuar qeverinë e njëri-tjetrit për nxitjen e destabilitetit global.

Presidenti i SHBA-ve, Barack Obama kritikoi vendet që mbështesin Presidentin e Sirisë, Bashar al-Assad. Kujtojmë se Kremlini e ka forcuar në javët e fundit mbështetjen duke dërguar armatim të avancuar, avionë dhe personel ushtarak në Siri.

Nga ana tjetër, presidenti rus, Vlaimir Putin, duke folur pas Obamën në Asamblenë e Përgjithshme të Kombeve të bashkuara, ka vlerësuar se do të jetë “gabim i madh të refuzohet bashkëpunimi” me qeverinë e Assadit për të luftuar kundër militantëve të Shtetit Islamik.

Ai e akuzoi Uashingtonin se i armatos kundërshtarët e Assadit, të cilët pastaj dezertojnë dhe kalojnë të luftojnë për ekstremistët e Shtetit Islamik.

Obama dhe Putin janë përplasur edhe lidhur me aneksimin e Gadishullit të Krimesë në Ukrainë nga ana e Rusisë. Në mars të vitit 2014.

Vladimir Putin, nga ana tjetër, i ka akuzuar Shtetet e Bashkuara për nxitje të revolucioneve në vendet e ish-Bashkimit Sovjetik.

KOMENTO (0)

Shkruaj nje koment

    Pas