Deputeti më i ri i Kuvendit, Eduart Ndocaj, i njohur në media si “kaubojsi”, ka denoncuar përmes facebook-ut gjendjen skandaloze të Spitalit të Lezhës.
“Dyshekë 20 vjecarë të pa larë asnjëherë. Në ato dyshekë duhet të shtrohen fëmijet. Imagjinoni pak sikur fëmijët tanë të shtrohen aty. Prindërit apo nënat marrin bombula gazi e blejnë vete qumështin për të ushqyer fëmijet e tyre. Krejt jashtë cdo lloje norme të ushqyeri si dhe të sigurisë. Pastertia linte shume per te deshiruar. Nenat i lajme me dore vete rrobat e femijeve dhe i vendosin ne ballkone per t’i thare.”, shkruan ndër të tjera deputeti i Lezhës.
Ndocaj i ka bërë thirrje Ministrit të Shëndetësisë Ilir Beqaj që të ndërhyjë për të ndryshuar situatën në Spitalin Rajonal para se të jetë tepër vonë.
