Djegia e mandateve të opozitës dhe zëvendësimi i tyre me emrat që vijonin në listën e kandidatëve, na njohu me deputetë që morën vëmendje pikërisht për gafat dhe surpizat që sollën në Kuvendin e Shqipërisë.
Përfaqësuesi i Partisë “Bashkimi Popullor i Pensionistëve Shqiptarë”, Selami Jenisheri, i njohur kryesisht për faktin se preferon të luajë me modelin e flokëve, ka marrë sërish vëmendje.
Kësaj here jo me imazhin e tij, disi të pazakontë për një deputet, por për faktin se është fotografuar teksa lëviz me biçikletën e tij ngjyrë pink, që e ka kombinuar me flokët vishnje.
Fotot e Jenisherit janë realizuar nga fotografi, Agim Rama, i cili i ka shpërndarë ato në facebookun e tij, ku ka postuar dhe një bisedë që ka zhvilluar me kreun e Partisë së Pensionistëve.
Jenisheri nuk është i vetmi deputet që është bërë personazh në rrjete sociale. Kujtojmë këtu deputetin Gjuzi por dhe deputeten, Majlinda Halili, fjalimi i së cilës u bë viral jo vetëm për paqartësinë, por edhe për pamundësinë e leximit korrekt të saj. Një tjetër “suprizë” nga listat e mbyllura ishte edhe deputeti Kostaq Papa, i cili kur kujtoi rininë u shpreh se “vajzat pranë meje pinin më shumë uiski dhe pije të mira se sa ujë”./Opinion.al
