Ndërsa ka nisur të marrë jetë një nga zonat periferike më të populluara në Tiranë, ajo pranë fushës së aviacionit, banorët ankohen se punimet nuk po bëhen siç duhet.
Bëhet fjalë për shtrimin e rrugëve të lagjeve informale që shtrihen mes fushes së aviacionit dhe rrethrrotullimit të doganës. Sipas banorëve rruga po bëhet, por lagjia nuk po urbanizohet. Ky banor që shihni në foto, ka denoncuar në Opinion.al se janë dhjetë familje që prej 20 vitesh jetojnë në Tiranë por në kushte të vështira.
Konkretisht, ata kërkojnë shtrirjen e rrjetit të kanalizimeve, pasi ujërat e zeza i kanë nëpër puseta që kanë hapur vetë kur kanë ndërtuar shtëpitë. Banori, tregon se “punonjësit e Bashkisë kanë ardhur kanë bërë matjet (siç shihet në foto), kanë vënë piketat, por punimet nuk nisen kurrë…”
Sipas banorëve, ishte premtuar që të bëhen fillimisht kanalizimet dhe më pas zgjerimi dhe shtrimi i rrugës. Sipas tyre nëse Bashkia e Tiranës nuk ndërhyn tani, ata do të mbeten gjithë jetën në kushte të vështira jetese pasi ujërat e zeza janë një problem tejet i madh. Gjithashtu ata i bëjnë apel Bashkisë që të prishë disa avlli dhe të lirojë këtë rrugicë në lagje (shi foton), e cila pengon lëvizjen jo vetëm të mjeteve private por edhe të amblancës apo zjarrfikëses.
Bashkëngjitur foto nga rruga e re që po shtrohet me asfalt. Ajo nis nga shkolla “Dhora Leka” që ndodhet tek fusha e aviacionit dhe përfundon te karburant “Kastrati” që ndodhet në rrugën kryesore të Laprakës “Dritan Hoxha”.
/Opinion.al
Foto1 : Punëtorët e firmës Curri duke punuar për asfaltimin 
Foto 2: Banori i Laprakes qe denoncon mungesen e investimeve ne kanalizime
Foto 3-4: Lagjia prane rruges se re qe po shtrohet por qe nuk mbeti jashte projektit per tu urbanizuar
Foto 5: Piketat e vendosur ne fillim nga Bashkia per kanalizimet ne kete lagje por qe me pas u anuluan
