Ditën e djeshme janë mbajtur zgjedhjet për kryetarin e ri të forumit rinor të Partisë Socialistë, FRESSH.
Pas përfundimit të votimit, Qarku Durrës që përfshin Bashkinë Durrës, Shijak dhe Krujë, ka qenë i pari që ka shpallur rezultatet nga numërimi i kutive të këtij qarku.
Në këtë qark nga rezultatet doli fitues Shpat Kolgega, me gati 4-fishin e votave të Eljo Hyskës, i cili pas përfundimit të numërimit në gjithë vendin është shpallur edhe kryetar i ri. Kjo mendohet të jetë edhe zanafilla e një banaliteti që pasoi në një postim në forumit në Facebook.
Kryetari i FRESSH Durrës, është akuzuar në komente për pjesëmarrje të ulët në zgjedhje të anëtareve që vijnë nga ky qytet. Ardit Kërtusha, kryetari i forumit në Bashkinë Durrës, i cili nga rezultatet duket të këtë mbështetur Shpatin Kolgegën, (tashmë zv/kryetari) është irrituar nga ky fakt dhe ka shpërthyer ndaj një komentuesi më fjalor banal, aspak të përshtatshëm për moshën dhe postin e tij.
Nga njëra ai në profilin e tij në facebook shfaqet i veshur me kostum, në një zyrë që kush e di sesa mijë euro kushton dhe nga ana tjetër, Arditi shpalos “kulturën” e tij, duke shkruar në publik fjalë si këto që shihni më poshtë.
Thuhet që anëtarët e forumeve rinore të partive janë e ardhmja e politikës së një vendi. Nëse kjo është e vërtetë, e ardhmja e PS mund të jetë një ditë, Ardit Kërtusha dhe fjalori i tij i pasur në vulgaritete.
