Tuna është ngjitur dje në skenën e “Këngës Magjike” për të performuar këngën “Duam” në gjysmë finalen e dytë të këtij kompeticioni. Vetëm një javë më parë ajo vendosi të konfirmonte shtatëzaninë e saj dhe lidhjen me Patris Berishën.
Ditën e djeshme, ndryshe nga herët e tjera, Patrisi ka bërë një dedikim tepër emocionues për këngëtaren dhe fëmijën e tyre që së shpejti do të vijë në jetë.
“Zemër! Sonte “Duam” do të ndihet brenda trupit tim, tëndit dhe bebushit tonë, në shtratin e barkut tënd, më fuqishëm se kurrë. Të dua. Toi toi toi”- këto ishin fjalët e ëmbla të Patrisit për ti dhënë forcë Tunës gjatë performancës në Pallatin e Kongreseve.
