Autori i sulmit në urën Westminster në Londër është identifikuar ditën e djeshme si 52 vjeçari Khalid Masoon. MailOnline ka zbuluar se atentatori që i mori jetën katër personave të pafajshëm dhe dhjetëra të tjerë mbetën të plagosur, dy minuta para se të kryente sulmin ka qenë në WhatsApp duke komunikuar me dikë.
Masood u fut me shpejtësi me makinën e tij Hyundai 4X4 në trotuarin e këmbësorëve në urën Westminster dhe më pas sulmoi një prej oficerëve të Parlamentit. Keith Palmer humbi jetën si pasojë e plagëve të marra në kokë, krahë dhe brinjë.
Autori i sulmit, ka qenë në WhatsApp online për herë të fundit në 14:37, rreth dy minuta para se të nisej me makinën e tij në drejtim të kalimtarëve.
Kjo është dhe arsyeja kryesore pse besohet se 52 vjeçari nuk ka vepruar vetëm, por pas tij fshihet një organizim në grup.
Khalid Masood ishte i martuar, baba i tre fëmijëve. Ish mësuesi i gjuhës angleze ishte konvertuar në fenë islame./opinion.al
