Panik mes qytetarëve në ish-Bllok, pasi një shpërthim i fuqishëm ka ndodhur pak pas mesditës në një pallat në këtë zonë, në rrugën “Vaso Pasha”, ku kanë mbetur të plagosur 4 persona.
Shpërthimi ka ndodhur në një dyqan eventesh, ndërkohë që fare pranë zonës ndodhet edhe një pikë karburanti. Kjo ka shtuar frikën e forcave të zjarrfikëse, të cilët kanë evakuuar një pjesë të mirë të banorëve.
Shpërthimi ka qenë aq i fortë sa që ka dëmtuar edhe katin e dytë të pallatit ku ndodhet dyqani. Policia njofton se shpërthimi është shkaktuar nga një bombul gazi me helium. Dy prej të lënduarve janë dërguar në gjendje të rëndë në QSUT për të marrë trajtim mjekësor./ Opinion.al
