Kryeministri Edi Rama ka vajtur me atlete të bardha edhe në takimin e liderëve të Ballkanit me zëvendëspresidentin amerikan Mike Pence, në Podgoricë në Malin e Zi.
Si edhe në Trieste, Rama është parë me atlete të bardha teksa Pence zhvillonte takimin me të gjithë kryeministrat e Ballkanit. I ulur në vendin e parë Rama dallonte për atletet e bardha nga të gjithë liderët e tjerët të cilit mbanin veshur këpucë të errëta, shkruan opinion.al
Ajo që bie në sy është se kryeministri ka publikuar në faqen e tij në Facebook një foto ku nuk duket pjesa e këmbëve, për të shmangur ndoshta komentet e mediave, por këtyre të fundit sërish nuk u ka shpëtuar ky detaj.
Kujtojmë që në këtë takim Pience ka shprehur se Shtetet e Bashkuara të Amerikës i kushtojnë një rëndësi shumë të madhe rajonit të Ballkanit Perëndimor, duke besuar se kjo pjesë e Evropës i takon Perëndimit. /Opinion.al
