Duket se ish ministri Ylli Manjani dhe ambasadori Lu kanë sheshuar përfundimisht mosmarrëveshjet mes tyre. Pas shkëmbimit në distancë te deklaratave për zhvillimet politike dhe reformën në drejtësi, dy ditë më parë ata qëndruan për gjatë në një takim, ndërsa sot janë shfaqur publikisht në aktivitetin e organizuar nga komuniteti LGBT.
Manjani është i njohur për qëndrimet e tij kundër afishimit dhe përfshirjes në aktivitetin shkollor të programeve që mbështesin këtë komunitet. Deklaratat e tij pas rasteve të ndodhura në disa gjimnaze të Tiranës u kundërshtuan publikisht nga ambasadori amerikan në Tiranë.
Por sot duket se mosmarrëveshjet janë sheshuar ndërsa është vështirë të mendohet që mes të dyve të mos jetë folur për zhvillimet e fundit, përfshirë dhe masën e arrestit me burg për ish ministrin e brendshëm. Gjatë dy ditëve të fundit edhe ambasada e shteteve të bashkuara ka qenë aktive me qëndrimet e saj si për deklaratat e kryeministrit Rama për çështjen e ministrit Xhafa ashtu dhe për çështjen Tahiri./Opinion.al©
