Verën që lamë pas djali i çiftit të njohur të showbizit David Beckham dhe Victoria Beckham, 20-vjeçari Brooklyn, i dha fund lidhjes së tij me modelen Hana Cross pas vetëm 9 muajsh.
Kujtojmë që lidhja e tyre ishte kthyer në problematike pasi ata debatonin dhe grindeshin me njëri-tjetrin gjatë gjithë kohës dhe në ambiente publike.
Sipas medive të huaja, Brooklyn ka nisur një lidhje të re me aktoren Phoebe Torrance. Por ashtu sikurse ka ndodhur dhe me Hanën, për 25-vjeçaren Phoebe thuhet se ka shumë ngjashmëri me nënën e Brooklyn, Victorian.
Madje në fillesat e karrierës së saj kur ajo ishte një modele, shpeshherë e kanë punësuar për të imituar Victorian, pikërisht për shkak të kësaj ngjashmërie. Edhe miqtë e afërt të Brooklyn kanë thënë të njëjtën gjë.
Sipas “The Sun” Brooklyn dhe Torrance u panë në dhomën VIP në klubin e natës Wellington në Londër muajin e kaluar dhe marrëdhënia e tyre u bë më serioze që prej asaj kohe.
Tashmë ata janë në fillimet e një romance dhe kanë nisur të kalojnë kohë më njëri-tjetrin./Opinion.al/
