Kreu i PD-së, Lulzim Basha zhvilloi këtë të martë një takim me ambasadoren e SHBA-së, Yuri Kim, atë të BE-së, Luigi Soreca si dhe ambasadorët e Gjermanisë, Italisë e Francës.
Ndërkohë fotot e mëposhtme, vijnë pikërisht nga mbledhja e zhvilluar në selinë blu. Sikurse shihet në pamje, ajo që bie në sy është se takimi u zhvillua në sallën ku ish-kryeministri, Sali Berisha mbajti dje mbledhjen e Komisionit të Rithemelimit të PD.
Takimi zgjati rreth 75 minuta, dhe erdhi një ditë pas situatës së krijuar në PD, ku ish-kryeministri, Sali Berisha me përkrahësit e tij shkuan në ambientet e selisë blu. Ata pretendojnë se në Kuvendin e 11 Dhjetorit kanë shkarkuar si kryetar të PD-së Lulzim Bashën./Opinion.al
