Mjeku i njohur Tritan Kalo ka publikuar disa foto në brendësi të spitalit infektiv, aty ku edhe mbahen pacientët e prekur nga koronavirusi. Në një kohë kur numri i të prekurve në të gjithë vendin ka shkuar në 33, sytë e të gjithë qytetarëve janë tek mjekët, që në fakt janë në brezin e parë të përballjes me pacientët.
Fjalët e Kalos janë motivuese për qytetarët, ndërsa ai rreshton edhe arsyet përse popullata duhet të ketë besim tek mjekët. Ndër të tjera Kalo kujton se stafi i infektivit, ku bëjnë pjesë emra të njohur specialistësh me përvoja, ka përballuar një sërë epidemish gjatë 30 viteve të fundit.
Postimi i Dr. Tritan Kalo
NË VIJËN E PARË të “luftës ndaj Covid-19”…..Ekipi i Shërbimit të Sëmundjeve Infektive në QSUT “Nënë Tereza”, ka një eksperienca të pasur në përballimin e shumë epidemive në këto 30 vitet e fundit….Fruthi në 1989, Kolera në 1994, Polimyeliti në 1996 dhe Gripi i Derrit 2009…..Eksperienca dhe përkushtimi nuk mungojnë, përkundrazi ato janë një garanci e sigurtë se NE do tia dalim mbanë edhe përballimit të epidemisë nga Sars-Cov-2/Covid-19….Jemi të gjithë në krah të njëri tjetrit Mjek, Imazherist, Farmacistë, Infermjerë dhe Sanitare të të gjithë grup moshave…KINI BESIM në PËRKUSHTIMIN dhe SAKRIFICAT tona për tju shërbyer në çdo kohë dhe në çdo rrethanë….JEMI me ju dhe për ju në GADISHMËRINË maksimale….Puna e jonë në grup kurdoherë ka bërë që ta meritojmë plotësisht, njohjen si Shërbimi më i mirë në Shëndetësinë Publike të Shqipërisë!!!!…NE DO TA FITOJMË EDHE KËTË BETEJË!!/Opinion.al
