Familjarë të Brooklyn Beckham dhe Nicola Peltz kanë ndarë foto që tregojnë pamje nga dasma luksoze e cila u zhvillua në Palm Beach të shtunën.
Pranë një fotografie bardh e zi të çiftit me veshjet e tyre të dasmës, të postuar në llogarinë e tij në Instagram, ish- futbollisti David Beckham shkroi “Urime zotit dhe zonjës Beckham. Mirë se vini në familje Nicola Peltz”.
David, legjenda e futbollit të Manchester United dhe Anglisë, qau teksa mbante fjalimin e tij në ceremoninë e dasmës të së shtunës në Florida, shkruan Daily Mail.
Beckham, ka dy vjet që është në lidhje me aktoren Peltz. Ajo është vajza e biznesmenit dhe investitorit miliarder amerikan Nelson Peltz dhe ish modeles Claudia Heffner Peltz.
Në ditën e tyre të veçantë Brooklyn Beckham kishte veshur një kostum Dior, ndërsa Nicola Peltz zgjodhi një fustan të bardhë Valentino me një bisht të gjatë. Fustani përfshinte edhe disa detaje të tjera. Nëna e Nicolas, Claudia Heffner, shtoi një hajmali për syrin e keq ndërsa ekipi i Valentino qepi një mesazh të veçantë duke përdorur fije blu.
Aktorja Eva Longoria dhe ylli i tenisit Serena Williams ishin ndër personazhet e famshëm që morën pjesë në dasmë. Dhjetëra yje të tjerë ishin në mesin e 300 të ftuarve, duke përfshirë stilisten Rachel Zoe dhe shokun e Kim Kardashian, Jonathan Cheban. Ishte këngëtari Marc Anthony ai që “mbylli festimet” shkruan British Vogue.
Dasma, shkruajnë mediat e huaja është raportuar të ketë kushtuar 3.5 milionë Euro./Opinion.al
