Zhvillimet e ditëve të fundit dhe rritja e tensioneve mes SHBA-së dhe Koresë së Veriut kanë bërë që amerikanët të fusin në “lojë” bunkerin nuklear luksoz që kanë ndërtuar.
Bunkeri ndodhet pranë Savannah, në Georgia dhe përmban një dhomë moderne armësh dhe sistemin më të fundit CCTV.
I ndërtuar rreth 14 metër nën tokë, bunkeri ka në brendësi të tij edhe një teatër, dhoma lojërash dhe katër apartamente.
Sipas ekspertëve amerikanë, ky bunker modern është i aftë të përballojë një sërë kërcënimesh të mundshme, përfshirë shpërthimet bërthamore apo sulmet terroriste.
Aktualisht bunkeri nuklear përdoret si strukturë për trajnimin e personelit ushtarak dhe ka dalë në shitje si një shtëpi luksoze, e cila ofron një strehë të fundit të sigurt, për çdo familje.
Për çdo individ apo familje që dëshiron të jetë pjesë e sigurisë, duhet të paguaj asgjë më pak se 17.5 milionë dollarë.
