Bentley ka zbuluar modelin e ri, Mulliner Bacalar, emërtuar sipas një liqeni që ndodhet në gadishullin meksikan Yucatan.
Makina, me vlerë 2 milionë dollarë do të prezantohej zyrtarisht në Panairin e Gjenevës, por meqensë ai u anulua nga frika për përhapjen e koronavirusit, kompania vendosi ta bënte prezantimin online.
Pjesa e brendshme e mjetit është e zbukuruar me dru nga pemë të ruajtura në mënyrë natyrale për më shumë se 5000 vite, në lumenj, liqene të ndryshme të Anglisë dhe Britanisë së Madhe. Qëndrimi nën ujë për mijëra vite i ka dhënë drurit një ngjyrë të zezë të veçantë.
Makina lukzoze vjen me të katërta rrotat aktive, një motor me 12 cilindra, me 650 kuaj fuqi, dhe me 8 marshe. Ajo do të arrijë një shpejtësi maksimale deri në 333 km/h, si dhe arrin nga 0 në 100 km/h në 3,8 sekonda.
Për fatin e keq të të apasionuarve pas tyre, Bentley njoftoi se do të prodhojë vetëm 12 copë nga ky model, të gjitha të shitura tashmë./Opinion.al
