Në orët e para të ditës së sotme, rreth 01:19 lëkundje të forta të tokës janë ndjerë në Patos, madje janë çarë muret e disa shtëpive. Epiqendra ka qenë në Patos, por është ndjerë dhe në Fier, Vlorë, etj. Banorët të alarmuar shprehen se këto nuk janë termete por lëkundje të tokës si pasojë e shpimeve për naftë që bën kompania Bankers Petrolium. Një banor dërgoi fotot e shtëpisë së tij në Opinion.al dhe tregoi se kanë qenë një seri lëkundjesh të vogla gjatë këtyre ditëve që u finalizuan mbrëmë pas mesnate me një lëkundje të fortë që u prishi shtëpinë (shihni fotot). Po sipas banorëve të vetmit që kanë shkuar për të parë dëmet kanë qenë gazetarët. “Askush nuk ka ardhur as nga qeveria, as nga bashkia, as nga kompania e naftës”, tha banori që u ankua për situatën në Patos.
