Ka nisur sot një operacion gjithpërfshirës, në të gjitha shtetet e zonës Shengen, pasi prokurorët gjerman identifikuan një të dyshuar si autor i sulmit me kamion në një treg krishtlindjesh në Berlin.
Një urdhër arresti është lëshuar mbrëmë pas mesnate. Detaje më specifike nuk janë dhënë, por mediat kanë theksuar se i dyshuari kryesor është një shtetas tunizian, i quajtur vetëm si Anis Amri, i lindur në vitin 1992.
Leja e qëndrimit është gjetur në kabinën e kamionit që është kryer sulmi.
Leja ka rezultuar, se në muajin e kaluar, autori është raportuar në polici për terrorizëm dhe në qershor i ishte komunikuar dëbimi nga Gjermania.
Autoritetet gjermane kanë ofruar deri në 100 mijë euro shpërblim për atë që jep informacion që çon në arrestimin e tij.
Mësohet se ai mund të jetë plagosur përgjatë përleshjes me shoferin e kamionit, i cili u gjend i vrarë në kabinë. Nga ky sulm, humbën jetën, edhe 12 persona të tjerë.
Policia ka nisur kërkimet në një kamp emigrantësh, në zonën Emmerich, në perëndim të Gjermanisë, ku është lëshuar edhe leja e të dyshuarit.
Kancelarja Angela Merkel, ka thirrur kabinetin e sigurisë, për të diskutuar në lidhje me hetimin e sulmit.
Në zonën Shengen, përfshihen shumica e vendeve të BE-së, si dhe Islanda, Lihtenshtejni, Norvegjia dhe Zvicra.
Autori i dyshuar, Anis Amri, ka udhëtuar në Itali, në vitin 2012 dhe pastaj për në Gjermani në vitin 2015, ku ai bëri edhe kërkesën për azil, të cilit iu dha leja e përkohshme për të qëndruar deri në prill të këtij viti.
Ministri i Brendshëm, Ralf Jaeger (NRW), tha të mërkurën se kërkesa për azil i është refuzuar në muajin qershor, por dokumentet e duhura të deportimit, nuk ishin bërë ende gati.
“Agjensitë e sigurisë, kanë shkëmbyer informacionet e tyre në lidhje me autorin e dyshuar, me Qëndrën e Përbashkët Kundër Terrorizmit, në nëntor të 2016-ës”, tha ministri.
Sipas revistës gjermane “Spiegel”, i dyshuari ishte klasifikuar si një person i dyshimtë dhe i aftë për të kryer një sulm terrorist, ai ishte në listën e të gjithë atyre personave që janë nën hetim të vazhdueshëm nga policia.
