Kronikë

FOTO/ Atentati në Krujë, e shkuara problematike e shënjestrës së sulmit


               Publikuar në : 11:47 - 22/09/19 |
Al Do

Një atentat në fshatin Zezë të Krujës, mbrëmjen e së shtunës, la një viktimë dhe një të plagosur. Shpresa Haka, 50-vjeç ndërroi jetë në spitalin e Traumës ndërsa nipi i saj, Mariglen Haka ndodhet ende nën kujdesin e mjekëve.

Ata janë qëlluar me armë zjarri në derën e shtëpisë nga persona ende të paidentifikuar. Shënjestra e atentatit mesa duket ka qenë Mariglen Haka i cili nuk është një emër i panjohur për drejtësinë.

I cilësuar si një nga të “fortët” e Fushë-Krujës, pjesëtar të ashtuquajturës banda e Niklës, Haka u ndalua nga policia si i dyshuari kryesor në 2011 për vrasjen e biznesmenit të kromit Nadien Zeneli, në zonën e ish-Bllokut.

“Vrasja e shtetasit Nadien Zeneli dyshohet të jetë bërë për motive gjakmarrjeje, pasi viktima dyshohej nga familja e shtetasit Mariglen Haka si autor i vrasjes së shtetasit Roland Lutfi Haka, ngjarje kjo e ndodhur në vitin 2004 në Krujë”, tha në 2011 policia e Tiranës. Pas hetimeve ai u la i lirë për mungesë provash.

Në Shtator të vitit 2018 Mariglen Haka, së bashku me disa persona të tjerë, u arrestua gjatë një aksioni të RENEA-s në Nikël. Ata u ndaluan për posedim pa leje të armëve dhe municioneve luftarake dhe shitjes së lëndëve narkotike. Megjithatë edhe kësaj here ai mesa duket i ka shpëtuar drejtësisë. /Opinion.al

 

Pas