Avokati i Ergys Kolaverit ka paraqitur ditën e sotme në gjykatë një provë materiale, e cila sipas tij provon alibinë e klientit të tij se ai nuk gjendej në Vaqarr në momentin kur ndodhi atentati ndaj Gazmir Dacit.
Pamja nga kamerat e sigurise qe tregon se Ergys Kolaveri ishte ne Kamez kur ndodhi ngjarja.
Ky i fundit ishte në qeli dhe për pasojë u plagos një i dënuar tjetër.
Por sipas avokatit të Ergys Kolaverit, klienti i tij nuk ka lidhje me ngjarjen dhe se ajo është një sajesë.
“Ergys Kolaveri ka qenë duke pirë kafe në një lokal në Kamëz në momentin që ka ndodhur ngjarja”, ka thënë avokati i tij.
“E gjitha kjo është një sajesë. Atentati ndoshta nuk ka patur për objektiv Gazmir Dacin, pasi ai as nuk kishte dalë fare në dhomat e ajrimit në atë kohë”, vijoi avokati më tej.
Por pavarësisht provave të tij nga kamerat e sigurisë së lokalit në Kamëz, Gjykata vendosur arrest me burg për Ergys Kolaverin dhe Ena Cakën.
I pari akuzohet për vrasje për gjakmarrje e mbetur në tentativë ndaj Gazmir Dacit, i dënuar për vrasjen dhe plagosjen e dy vëllezërve të Kolaverit.
Ndërsa për Enea Cakën u vendos burg për moskallëzim krimi.
Panorama
