Është mbyllur pjesa e parë e punimeve të FSHF-së me një 15 minutësh pushim që u ka shërbyer edhe kandidatëve Duka-Fino për të sqaruar një keqkuptim.
Siç shihet në foto, ata janë ulur së bashku në barin e hotelit, për të konsumuar një kafe gjatë 15 minutëshit të pushimit, të shoqëruar edhe nga Koço Kokëdhima.
Mësohet se ka pasur një debat me tone të ashpëra dhe Bashkim Fino i ka kërkuar Dukës llogari për njëanshëri në Asamble.
Pse më ke lënë mua ne fund te salles?!Cfare je ti qe mendon se mund t’i trajtosh njerezit keshtu? Ku ka moral kjo pune? O Koco, do e beje kete ti po te kishe qene ne vend te ketij (Dukes)?”, i është drejtuar Fino, presidentit aktual Duka.
Gjithsesi në fund gjithçka është sqaruar dhe gjakrat janë ulur.
Pas pak pritet të nisë edhe votimi i delegatëve për të zgjedhur Presidentin e ri.
