Përballja e Kosovës me kombëtaren e Kroacisë nuk ka pasur vetëm vëmendjen e mediave vendase dhe kroatë, por edhe aty përtej oqeanit. New York Times ditën e enjte në Shkodër pa pasur reporter e vet për të fotografuar momente nga ndeshja dhe parapërgatitja e saj. Një artikull i gjatë me titullin Kosovo: The Road Team (Kosova: Ekipi i rrugës) është publikuar në New York Times.
Andrew Testa, autori i shkrimit, nuk është ndalur vetëm në rezultatin e ndeshjes, por e ka parë atë si pasojë e një jete të vështirë politike dhe ekonomike që bëjnë në Kosovë.
Në artikull shkruhet sesi Kosova është përballur me beteja të mëdha që nga viti 1990 dhe kryengritjen e shqiptarëve ndje serbëve, për të vazhduar më pas deri në vitin 2008 nën administrimin e Kombeve të Bashkuara.
Për New York Times anëtarësimi i shtetit në FIFA ka nxjerr në pah problemet e Kosovës lidhur me mungesën e një stadiumi. Dhe për këtë arsyeje ndeshje e parë e Kosovës si vendas, për kualifikimet e Botërorin ‘Rusia 2018’, është dashur të luhet në Shkodër.
New York Times tregon se lojtarët e Kosovës më herët kanë përfaqësuar vende tjera, por pas pranimit në FIFA kanë vendosur që ta veshin fanellën e vendlindjen.
“Pasi bën udhëtimin pesë orësh përtej kufirit malor që ndan dy vendet, mijëra tifozë të Kosovës zbritën nga autobusët e tyre duke brohoritur”, shkruan gazeta amerikane.
“Udhëtimi i tyre në stadium ishte i mbushur me fishekzjarrë, me fanella blu dhe të verdhë dhe thirrjet “Shqipërisë Etnike”, një referencë për idenë e Shqipërisë së Madhe që do të bashkojë shqiptarët të cilët janë ndarë në pesë vende: Kosovë, Maqedoni, Mali i Zi, Greqi dhe Shqipëria”, përfundon shkrimi.
