Arkivoli i mbretëreshës Elizabeth II ka mbërritur në Pallatin e Holyroodhouse në kryeqytetin skocez Edinburgh, duke përfunduar pjesën e parë të udhëtimit tetë-ditor të fundit të monarkes.
Monarkja më jetëgjatë e Britanisë ndërroi jetë të enjten në moshën 96-vjeçare në fshatin skocez në Balmoral. Varrimi i saj do të bëhet në Londër më 19 shtator. Turmat e njerëzve u rreshtuan në rrugët e fshatrave dhe qyteteve anembanë Skocisë, duke i bërë nderime mbretëreshës, ndërsa kortezhi i saj u nis për në Edinburg në një udhëtim gjashtë orësh.
Njerëzit në kryeqytetin skocez kishin ngritur kampin në pritje të ardhjes së Mbretëreshës. Pas mbërritjes në Pallatin e Holyroodhouse, arkivoli u përshëndet me një roje nderi të përbërë nga Regjimenti Mbretëror i Skocisë, i cili kreu një përshëndetje mbretërore.
Arkivoli u vendos për t’u transferuar në dhomën e fronit të pallatit, ku stafi i familjes do t’i bëjë nderimet e fundit mbretëreshës Elizabeth II,ngjashëm me mënyrën se si arkivoli u vendos në sallën e ballos në Balmoral./Opinion.al
