Daniel Drobaj, 18-vjeçari i akuzuar se ditën e protestës plagosi efektiven e forcave “Shqiponja” Ina Nuka me kapsollë ka dalë sot në gjyq për masën e sigurisë.
Seanca po zhvillohet në Gjykatën e Tiranës, ku 18-vjeçari nga kafazi i xhamit ka treguar dorën e djathtë të fashuar. I riu pretendon se policia i ka thyer gishtat si hakmarrje për gjymtimin e polices në dorë.
18-vjeçari që u arrestua më 23 nëntor, një ditë pas protestës para parlamentit ka mohuar kategorikisht se ka qenë ai që hodhi kapsollën që plagosi rëndë policen.
Nga ana tjetër Partia Demokratike deklaroi se gjyqtari po nxjerr jashtë deputetet e opozitës.
“Deputetet e Partise Demokratike qe ndodhen brenda salles se Gjykates se Tiranes, per te asistuar ne seancen ne ngarkim te protestuesit Daniel Dobraj po kerkohet prej gjyqtarit te ceshtjes qe te nxirren jashte. Gjyqtari ka sjelle rojen e deres dhe po kerkon nxjerren e deputeteve jashte me force, por deputetet po refuzojne.
Gjyqtari nuk dha ndonje arsye ligjore ku e mbeshteste nje vendim te tille. Klima para seances duket e tensionuar, nderkohe qe i riu i arrestuar per plagosjen e polices raportohet se e ka doren te fashuar me dyshimin se ne komisariat i kane thyer gishtat me gjakftohtesi, si shenje hakmarrjeje”, thuhet ne reagim.
