Ajo cilësohet si një prej vajzave më të bukura të ekranit shqiptar dhe përflitet shpesh për karrierën e saj, por edhe për jetën private. Bëhet fjalë për moderatoren e njohur Nevina Shtylla.
Kjo e fundit është bërë shpeshherë pjesë e thashethemeve rozë, pasi së fundmi u përfol për një ndarje, meqenëse ajo nuk e publikonte kurrë të dashurin e saj në rrjetet sociale, edhe pse kishte pranuar që ishte në një lidhje.
Por pak orë më parë ai që ka shtuar akoma më shumë aludimet për çështjen e marrëdhënies së moderatores është aktori i famshëm i “Portokallisë”, Rezart Veleshnja.
Në profilin e tij në “Instagram”, ai ka publikuar një foto me Nevinën teksa shkruan me humor: “Nevina me të fejuarin, e ndava nga ai që ka”.
Duke u nisur nga thashethemet e fundit, Rezarti i veshur me uniformë dhe paruke, ka luajtur rolin e të dashurit të ri të Nevinës, pasi me shaka thotë se e ka ndarë nga i dashuri me të cilin moderatorja është aktualisht./PanoramaPlus
