Aksident tragjik në fshatin Papër të Elbasanit. Sipas policisë lokale në aksident u përfshinë tre automjete, ndërsa është dashur ndërhyrja e forcave zjarrfikëse për të nxjerrë të plagosurit nga makinat.
Të plagosurit u dërguan me urgjencë në spital, por fatkeqësisht 4 kanë humbur jetën. Mes viktimave është dhe një vajzë e re, rreth 25 vjeç.
Paraprakisht dyshohet se aksidenti është shkaktuar nga shpejtësia e lartë me të cilat po udhëtonin makinat si dhe terreni i rrëshqitshëm, pas reshjeve të shiut.
Njoftimi i policisë
Më datë 23.09.2019, në aksin rrugor Elbasan- Paperr, ka ndodhur nje aksident rrugor ku janë përplasur tre automjete, mjeti me drejtues shtetasin G.K, mjeti me drejtues shtetasin O.Sh dhe mjeti me drejtues shtetasin E.R. Për pasojë katër shtetas kanë humbur jetën të cilët ishin pasagjerë në mjetin që drejtohej nga shtetasi G.K. Ndërsa dy të tjerë janë jashtë rrezikut për jetën të cilët janë transportuar për ndihmë mjekësore. Grupi hetimor ka shkuar në vendngjarje dhe po kryen veprimet për zbardhjen e shkakut të aksidentit./ Opinion.al
