Viti i ri 2021 ka nisur me një aksident të regjistruar në aksin kombëtar Librazhd -Përrenjas. Mësohet se ngjarja ka ndodhur në vendin e quajtur “Lapidari i Xhyrë”.
Një furgon mallrash është përplasur me një makinë tjetër. Përplasja ka qenë e fortë, aq sa furgoni ka humbur kontrollin dhe është përmbysur, ndërsa me to janë përplasur edhe dy autovetura.
Sipas News 24 si pasojë e aksidentit kanë mbetur të plagosur 3 persona, një grua dhe 2 fëmijë. Ata janë transportuar në spitalin e Librazhdit dhe ndodhet nën kujdesin e mjekëve.
Në vendin e ngjarjes shkuan forcat policore të cilat nisën punën për të zbardhur shkaqet e aksidentit. Ndërkohë raportohet se aksidenti shkaktoi trafik automjetesh për disa minuta./Opinion.al
