Një aksident automobilistik ka ndodhur rreth orës 16:40 në Shkodër. Policia njofton se në aksin rrugor Shkodër-Koplik, në vendin e quajtur tek ish SMT, fshati Dobraç Shkodër, ka ndodhur një aksident rrugor, ku janë përplasur dy mjete.
Ngjarja ka përfshirë një Benz me targë AA646UK me drejtues shtetasin E. K., i cili ka përplasur një Benz me targë AA872FJ që ka qenë i parkuar në anë të rrugës.
Si pasojë e përplasjes ka mbetur i dëmtuar shtetasi A. B. 56 vjeç banues në fshatin Boks, Shkodër, i cili ndodhet në Spitalin Rajonal Shkodër, në gjendje të rëndë, dhe pasagjeri R. S. që ndodhet jashtë rrezikut për jetën.
Shtetasi E. K. do shoqërohet në ambjentet e Policisë Shkodër për veprime të mëtejshme. /Opinion.al
