Tre motra dhe një burrë u plagosën rëndë pas përplasjes së dy makinave me të cilat po udhëtonin. Aksidenti automobilistik ndodhi tek vendi i quajtuar mbikalimi i Patokut, në rrugën Fushë Krujë – Milot. Nuk dihen shkaqet e kësaj përplasjeje, por siç shikoni dhe nga pamjet, ajo ka qenë e fortë. Në njërën makinë udhetonin tre motra, kurse në makinën tjetër drejtuesi i mjetit. Në vendin e ngjarjes kanë shkuar disa autombulanca nga Lezha, Fushë Kruja dhe Laçi. Nga informacionet e deritanishme të plagosurit janë rëndë, shkruan Abc News.
