Plot 533 kg drogë janë sekuestruar nga policia italiane në Brindisi, pas një operacioni në det të hapur ku trafikantët u ndoqën për 6 orë me radhë.
Operacioni mes Policisë Shqiptare dhe Guardia di Finanza ka nisur pasditen e djeshme dhe është finalizuar në mbrëmje pas 6 orë ndjekje.
Rreth orës 12,50 të ditës së djeshme QNOD (Qendra Ndërkombëtare Operacionale Detare në Durrës), ka njoftuar për një mjet që lëvizte me shpejtësi nga perëndimi në drejtim të kepit të Rodonit.
Menjëherë u vunë në lëvizje mjetet lundurues të policisë kufitare dhe Migracionit të GdF dhe u njoftua INTERFORCA.
Ndjekja nga Policia Kufitare dhe GdF vazhdoi deri në ujërat ndërkombëtare. Më pas mjete aeronautike dhe detare italiane hynë në veprim dhe rreth orës 19.00 në momentin e hyrjes në ujrat italiane u identifikua dhe u ndalua mjeti i lundirmit me dy persona në bord dhe ngarkesën me lëndë narkotike prej 533.5 kilogramë.
