Kristian Breshanaj ra pre e një ekzekutimi me kallashnikov mbrëmjen e djeshme në qytetin e Vlorës. Ngjarja ka ndodhur në lagjen “Uji i Ftohtë”, pranë zonës së quajtur “7 pallatet”.
Ai është ekzekutuar disa metra larg banesës së tij ndërkohë që bëhet e ditur se ai mund të jetë thirrur nga persona të tjerë për të dalë jashtë përpara se të qëllohej.
Dëshmi të dhëna në media të fqinjëve të tij thonë se ai nuk ishte problematik dhe se jetonte në shtëpi me prindërit e tij dhe nuk ishte në punë. Babai i tij është mjek reanimator në Spitalin e Vlorës ndërsa mamaja mësuese. Ai ka gjithashtu edhe një vëlla më të madh i cili jeton jashtë vendit.
Kristian ishte kther rreth 3 muaj më parë nga Belgjika dhe policia po heton për ndonjë konflikt të mundshëm të tij gjatë periudhës pasi ishte kthyer. Ndëkohë që në komisariat policia ka shoqëruar 12 persona të cilët dyshohet se mund të kenë dijeni për ngjarjen.
Policia ka gjetur në flakë në një nga rrugicat e lagjes “10 Korriku” Vlorë, një automjet BMW brenda së cilit ndodhej edhe një kallashnikov i cili mendohet të jetë arma e krimit./ Opinion.al
