Tre mjekë të spitalit të Prizrenit janë arrestuar nga policia, pasi një prind ka denoncuar humbjen e foshnjës së tij të porsalindur.
Sipas policisë mësohet se një burrë identiteti i të cilit nuk bëhet i ditur ka informuar se pas lindjes së gruas së tij, pas disa minutave, foshnja ka vdekur dhe dyshon se kjo ka ardhur si pasojë e mos trajtimit të duhur nga stafi mjekësor.
Sipas kosovapress, në bazë të raportit policor bëhet me dije rasti ka ndodhur të martën.
Ndërkohë policia ka njoftuar se trupi i foshnjës është dërguar për të kryer autopsinë.
“Me vendim të prokurorit trupi i pa jetë i foshnjës është dërguar në IML për obduksion, ndërsa janë arrestuar tre të dyshuar meshkuj kosovarë (mjekë) dhe janë dërguar në mbajtje”, ka informuar Policia.
Rasti është cilësuar si “Trajtim i pandërgjegjshëm mjekësor”.
